اسلامیہ ماڈل سکول میاں منڈی میں سالانہ تقریب تقسیم انعامات

(مومندایجنسی گل محمدمومند سے) 

اسلامیہ ماڈل سکول میاں منڈی میں سالانہ تقریب تقسیم انعامات منعقد ہوئی۔ایجنسی ایجوکیشن آفیسرفریداللہ خان اس موقع پرمہمان خصوصی تھے۔جبکہ تقریب میں مرکزی مہمند پریس کلب کے صدر غلام حسین محب،اسسٹنت ایجوکیشن آفیسرفضل دیان،علاقے کے عمائدین اور دیگر سکولوں کے پرنسپلز نے شرکت کی۔تقریب میں سکول کے پرنسپل ظہور خان نے سالانہ نتائج کا اعلان کیا اور اپنی تقریر میں تعلیم کی اہمیت اور ضرورت پر روشنی ڈالی۔اس موقع پر نمایاں پوزیشن حاصل کرنے والے طلبہ میں انعامات اور ٹرافیاں تقسیم کی گئیں۔بچوں نے ملی نغمے،نعت ،خاکے اورتقریریں پیش کیں۔جماعت ہشتم کے طالب علم مہران علی نے سکول بھر میں پہلی ،اعجاز خان جماعت چہارم نے دوسری اور داداللہ کلاس کے جی نے تیسری پوزیشن حاصل کی۔ایجنسی ایجوکیشن آفیسر اور دیگر مہمانوں نے نمایاں پوزیشن حاصل کرنے والے طلباء کو ٹرافیاں اور انعامات دیے جبکہ غلام حسین محب نے پہلے نمبر پر آنے والے طالب علم مہران علی کو اپنی کتاب انعام میں دی۔اس موقع پر مہمان خصوصی نے اپنے خطاب میں کہا کہ ہمیں دنیا کے ساتھ چلنے کے لیے ضروری ہے کہ تعلیم پر توجہ دیں جبکہ اس سلسلے میں والدین کی ذمہ داری بنتی ہے کہ وہ اپنے بچوں پر توجہ دیں اور اساتذہ کیساتھ تعاون کریں۔انہوں نے کہا کہ قبائلی بچوں میں ٹیلنٹ کی کوئی کمی نہیں لیکن ان کی صحیح راہنمائی کی ضرورت ہے۔انہوں نے کہا کہ ہمیں چاہیے کہ ایک دوسرے کے ساتھ تعلیم اور تربیت میں مقابلے کریں اور بچوں میں سبقت لے جانے کا جذبہ پیدا کریں۔تقریب میں طلباء کے ولدین اور رشتہ داروں کے علاوہ عال لوگوں اور مختلف پبلک سکولوں کے طلبا ء نے بھی کثیر تعداد میں شرکت کی۔