مہمندایجنسی ( عزیر خان) پی اے مہمند محمود اسلم وزیر کا میاں منڈی بازار کا اچانک دورہ ، اشیاء خوردونوش کی قیمتیں معلوم کیں اور گرانفروشوں دکانداروں کے خلاف کارروائی کرنے کا فیصلہ کیا ۔ تفصیلات کے مطابق گزشتہ سوموار کے روز پولیٹیکل ایجنٹ محمود اسلم وزیر نے ایجنسی کی سب سے بڑی تجارتی مرکز میاں منڈی بازار کا اچانک دورہ کیا اور بازارمیں دکانداروں سبزیوں ، پھلوں اور اشیاء خور دونوش کی قیمتیں معلوم کیں ۔ اس موقع پر پی اے مہمند نے کہا کہ ایجنسی میں چیک پوسٹوں پر ٹیکسز کے خاتمے کے بعد اشیاء خوردونوش کی قیمتوں نمایاں کمی ہونا چاہیئے تاکہ عوام سستی اشیاء خرید نے سے مستفید ہو سکیں ، انہوں نے کہا کہ مہمندایجنسی تمام فاٹا میں واحد علاقہ ہے جہاں پر مقامی انتظامیہ نے عوام کی فلاح وبہبود کی خاطر ایجنسی کی چیک پوسٹوں پر ٹیکسز کا خاتمہ کیا ہے تاکہ غریب عوام سے مستفید ہوسکیں ۔انہوں نے کہا کہ اگر دکانداروں نے مقررہ نرخنامے سے زیادہ قیمتیں وصول کیں توان کے خلاف کارروائی کی جائیگی اور ان کو جرمانہ بھی کیا جائیگا۔
Post A Comment:
0 comments so far,add yours