مہمند ایجنسی(عزیر خان مہمند سے) نیشنل بینک آف پاکستان کے صدر سعید احمد کا مہمند ایجنسی کا دورہ اور بینک برانچ کا افتتاح
مہمند ایجنسی ۔نیشنل بینک آف پاکستان کے صدر نے پہلی بار مہمند ایجنسی کا دورہ کیا ۔اور ایجنسی ہیڈکوارٹر غلنئی میں نیشنل بینک آف پاکستان برانچ کا افتتاح کیا۔دورے کے موقعے پر نیشنل بینک کے صدر نے کہا کہ ہمارا مشن ہے کہ زیادہ سے زیادہ اسلامی بینک پر توجہ دیں۔اور ملک میں اسلامی بینکوں کو عام کریں۔ تاکہ زیادہ سے زیادہ لوگوں کو فائدہ ہوجائے۔انہوں نے کہا کہ مہمند ایجنسی سمیت فاٹا میں نیشنل بینک کے کئی برانچزہیںجو فاٹا کے لوگوں کو سہولت فراہم کررہے ہیں۔دہشت گردی کی اس لہر نے فاٹا کی معشیت کو بُری طرح متاثر کیا جس کی وجہ سے لوگوں کے کاروبار اور سرمایہ کاری پر بھی بہت بڑا اثر ہوا ہے۔کاروبار کو دوبارہ بحال کرنے کے لیے نیشنل بینک ان کوبلا سود قرضے دیں گے۔جس سے ایجنسی کے کاروبار تھوڑی بہت بہتر ہونگے۔انہوں نے کہا کہ فاٹا کے لوگوں میں ٹیلنٹ موجود ہیں لیکن روزگارکے مواقع نہیں ایجنسی کے نوجوانوں کے لیے آسان اقساط پر ٹیکسی ،موٹر بائیک،اور چنگ چی جیسے مختلف سکیمیں فراہم کریں گے جس سے نوجوانوں کو روزگار کے مواقع ملیں گے۔ انھوں نے بے روزگار تعلیم یافتہ کے لیے دس چنگ چی فراہم کر نے کا اعلان بھی کیا۔ تقریب کے آخر میں انہوں نے مہمند قوم کا شکریہ ادا کیا۔کہ قومی مشران نے ہمارا حوصلہ افزائی کی،اور ہمیں عزت دی۔جس پر میں اُنکے شکر گزار ہوں۔
Post A Comment:
0 comments so far,add yours